फेसबुकमा अभियान सञ्चालन गरी संकलन गरिएको रकम अमिरलाई हस्तान्तरण गरिंदै ।

मकवानपुर पालुङका अपाङ्ग युवाका लागि स्थानीय तीन युवा सुरजकुमार भुजेल, यादवजंग रायमाझी र रामकुमार कार्कीले फेसबुककै माध्यमबाट ७५ हजार रुपियाँ संकलन गरी २६ साउनमा हस्तान्तरण गरेका छन् ।

पेशाले सुरज पत्रकार, यादव वैदेशिक रोजगारका क्रममा दुबईमा छन् भने रामकुमार फोटोग्राफर हुन् ।

सरकारले उपलब्ध गराउने अपाङ्गता भत्ताबाट समेत वञ्चित रहेका बेला करिब एक महिना अघि यी तीन जनाले अमिरका लागि सहयोग गर्न फेसबुकबाट आफ्ना साथीहरुलाई आह्वान गरेका थिए । अमिरको सहयोगका लागि ‘फरक सोच’ नामक फेसबुक एकाउण्ट नै बनाएर अभियान थालिएको थियो ।

हस्तान्तरित रकम स्थानीय गौतम बचत तथा ऋण सहकारी संस्थामा अक्षय कोष खडा गरी राखिएको छ । अपाङ्गता भएका व्यक्तिको अक्षयकोषको ब्याजमा लाग्ने कर सहकारीले नै बेहोर्ने अध्यक्ष राजेश केसीले बताए ।
सुरजकुमार भुजेल, पालुङ

प्रतिकृया दिनुहोस