नेपाल महिला संघको ६६ औं स्थापना दिवसका अवसरमा २७ साउनमा आयोजित कार्यक्रमलाई सम्बोधन गर्दै कांग्रेस सभापति सुशील कोइरालाले निर्वाचनको विपक्षमा गएर कसैलाई पनि फाइदा नपुग्ने बताएका छन् । “कसैले बिथोल्छु भन्दैमा निर्वाचन बिथोलिंदैन, निर्धारित मितिमै निर्वाचन सम्पन्न हुन्छ,” कोइरालाले भने ।

उनले निर्वाचनका विपक्षमा देखिएका नेकपा–माओवादीसहित अन्य दलहरुका जायज माग पूरा गरिने तर निर्वाचन मितिलाई प्रभाव पार्ने मागहरु सम्बोधन नहुने बताए । “लोकतन्त्रमा निर्वाचन अपरिहार्य हुन्छ, लोकतन्त्रमा विश्वास गर्नेहरु निर्वाचनमा जान किन आनाकानी गरिराखेका छन्, मैले बुझ्न सकिरहेको छैन” सभापति कोइरालाले भने ।

कोइरालाले आगामी निर्वाचनमा महिला सिट सङ्ख्या वृद्धि गर्ने जानकारी दिँदै निर्वाचनमा पार्टीलाई अग्र स्थान दिलाउन आजैदेखि जुट्न कार्यकर्तालाई निर्देशनसमेत दिनएका थिए ।

प्रतिकृया दिनुहोस