फाइल तस्बीर

यसअघि वर्डफ्लु नदेखिएको काभ्रेका भक्तपुरसँग सिमाना जोडिएका नासिकास्थान साँगा र उग्रतारा जनागाल गाविसमा रहेका तीनवटा फर्मका ३२ हजार कुखुरा २८ साउनमा नष्ट गरिएको छ ।

नासिकास्थान–६ साँगामा रामहरी ढकालले संञ्चालन गरेको नेपाल ह्याचरी व्रिडिङ फार्म प्रालिबाट १८ हजार, भगवान खत्रीको नासिकास्थान साँगा–२ र महेन्द्रज्योती– ४ मा रहेको आशापुरी ह्याचारी उद्योगबाट क्रमशः ९ हजार र ५ हजार गरी ३२ हजार कुखुरा नष्ट गरिएको जिल्ला पशु सेवा कार्यलयका बरिष्ठ पशु चिकित्सक डा. हरिकुमार रघु श्रेष्ठले जानकारी दिए ।

नेपाल ह्याचरीमा रहेका केही कुखुरा मर्न थालेपछि प्रयोगशालामा परिक्षण गर्दा बर्डफ्लु भएको पुष्टि भएको थियो ।

जिल्ला पशु सेवा कार्यलय काभ्रेले बाहिर जिल्लाबाट आयात हुने कुखुरा परिक्षण गरेर मात्र भित्रन दिने बताए पनि लुकीछिपी भक्तपुर लगायतका बाहिरी जिल्लाबाट समेत संक्रमित कुखुरा आयात भइरहेको स्थानीयहरु बताउँछन् ।
नगेन्द्र अधिकारी, काभ्रे

प्रतिकृया दिनुहोस