काठमाडौंबाट तातोपानी तर्फ जाँदै गरेका तातोपानी–९ बस्ने ५० वर्षीया चुण्डी शेर्पा र ३२ वर्षीया साङ्गु शेर्पालाई प्रहरीले दोलालघाटबाट झण्डै ५ किलो लागु औषध एमफेटामिन ट्याब्लेट सहित पक्राउ गरेको छ ।

पक्राउ परेकाहरुलाई २९ साउनमा सार्वजनिक गर्दै जिल्ला प्रहरी कार्यलय काभ्रेले ती महिलाहरुले झोला तथा संवेदनशील अंगमा प्लाष्टिकको टेपले बेरेर काठमाण्डौ बाट तोतोपानी लादै गरेको अवस्थामा बा २ ख ६४१८ नंको बसबाट बरामद गरेको जनाएको छ ।

केही रोगहरुमा औषधीको रुपमा पनि प्रयोग हुने एमफेटामिन लागु औषधका रुपमा ब्यापक प्रयोग हुन थालेपछि सरकारले एमफेटामिनको अनधिकृत विक्री वितरण र प्रयोगमा रोक लगाएको छ ।

जिल्ला प्रहरी प्रमुख अरुणकुमार बिसीका अनुसार, बरामद लागुऔषधको मुल्य करिव १ करोड पर्छ ।

पक्राउ परेकाहरुलाई लागू औषध नियन्त्रण ऐन २०३३ अनुसार मुद्दा दर्ता गरी जिल्ला अदालत काभ्रेवाट म्याद थप समेत भएको उनले जानकारी दिए ।

नगेन्द्र अधिकारी, काभ्रे

प्रतिकृया दिनुहोस