लमजुङको वेसिशहरमा १ भदौमा आयोजित पत्रकार सम्मेलनमा बौल्दै नेकपा–माओवादीका नेता नेत्रबिक्रम चन्दले आफूहरु संविधान सभाको निर्वाचनमा भाग नलिने पनि प्रष्ट पारेका छन् ।

निर्वाचन वहिष्कार गर्दा राज्यले दमन गर्नसक्ने भन्दै उनले आफूहरुले पनि त्यसैअनुसारको प्रतिरोधी रणनीति बनाएको दाबी गरे ।

“चुनाव विथोल्न हामी जे पनि गर्न तयार छौ, चुनाव जवरजस्ती गरेमा त्यसको परिणाम चार दलले भोग्नु पर्छ,” चन्द भने ।

चार दल र सरकारले मात्रै चाहेर संविधानसभाको निर्वाचन नहुने भन्दै उनले आजको आवश्यकता निर्वाचन नभई आमसहमति भएको पनि दाबी गरे । निर्वाचनले राजनीतिक संक्रमणबाट मुलुकलाई निकास नदिने भन्दै चन्दले निर्वाचनको नाटक गरेर नेपाललाई सिक्कीमीकरण गर्न लागेको आरोप लगाए ।

उनले गोलमेच सम्मेलनमार्फत वर्तमान सरकारलाई हटाएर दलीय नेतृत्वमा सहमतीय सरकार बनाउनु पर्ने जिकिर गरे ।

संघीयता, असमान सन्धि खारेज, नयाँ प्रशासन निमार्ण, नयाँ न्यायालय निर्माण लगायतका १० वुंदाहरुमा कुरा नमिलेको भन्दै उनले यी कुरामा सहमति भए आफूहरु चुनावमा जाने बताएका थिए ।
युवराज श्रेष्ठ, लमजुङ

प्रतिकृया दिनुहोस