अनलाइन तस्बीर

सन् १९९३ मा मुम्बईमा भएको विष्फोटलगायतका अभियुक्त ७० वर्षीय अब्दुल करिम टुण्डालाई महेन्द्रनगरको सीमावर्ती भारतीय बजार बनवासाबाट दिल्ली प्रहरीले ३२ साउनमा पक्राउ गरेको छ ।

दिल्ली प्रहरीको विशेष टोलीले पक्राउ गरेका टुण्डा अन्डरवर्ल्ड डन दाउद इब्राहिम,  जैस–ए–मोहम्मद प्रमुख मौलाना मसुद अजहरलगायत जस्तै भारतीय प्रहरीको सर्वाधिक खोजीमा रहेका व्यक्ति हुन् ।

सन १९९६ मा टुंडाका विरुद्ध इंटरपोलले रेड कर्नर नोटिस जारी गरेको थियो । टुंडाको गिरफ्तारीलाई भारतीय सुरक्षा एजेंसिहरुले ठूलो सफलता भनेका छन् ।  सीबीआईले टुण्डामाथि मुंबई, हैदराबाद, दिल्ली, रोहतक र जालंधर में भएका ४३ विस्फोटको अभियुक्त बताएको छ जसमा २० भन्दा बढीको मृत्यु भएको थियो भने ४०० व्यक्ति घाइते भएका थिए ।

उत्तर प्रदेशको गाजियाबाद पिखुआ निवासी टुंडा बम बनाउनमा निपुर्ण र लश्कर-ए-तोइबाको नेटवर्क सञ्चालनमा अहम भूमिका निर्वाह गरेको बताइएको छ ।

नेपालीलाई सकस

सीमा क्षेत्रमा आतङ्कवादी कार्यमा संलग्न व्यक्ति पक्राउ परेपछि भारतीय सुरक्षाकर्मी एसएसबीका जवानले त्यसक्षेत्रमा सुरक्षा निगरानी बढाउँदा सीमा वारपार गर्ने नेपालीहरुले सास्ती पाएका छन् ।

भारतका विभिन्न बजारमा मजदुरी गरी घर फिर्ता हुने र भारततर्फ जाने नेपाली मजदुरलाई भारतीय प्रहरीले कडाइका साथ जाँच गर्ने नाममा दुर्ब्यवहार गरेको र अनावश्यक दुख दिएको सीमा वारपार गर्ने नेपालीहरुले वताएका छन् ।

जाँचका बहानामा बनवासा भन्सारका भारतीय अधिकारीहरुले अवैधरुपमा प्रतिझोला रु ५० तथा बाकस र बोरा बापत १०० देखि ५०० भारतीय रुपैयाँ असुल्न थालेको अलमोडामा मजदुरी गरी फिर्ता भएका अछामका रङ्गे बोहराले जानकारी दिए ।

प्रतिकृया दिनुहोस