दोलखामा आमाछोराको हत्यापछि घटनास्थलमा छिमेकीहरुको भीड ।

सिन्धुपाल्चोक जिल्ला टोकनपुर घर भई दोलखाको बोच–१ चरङ्गे माइतीघरमा होटल व्यवसाय गर्दै आएका ४२ वर्षीया राधिका श्रेष्ठ र उनका १२ वर्षीय छोरा सन्देश श्रेष्ठको हत्या भएको जिल्ला प्रहरी कार्यालय दोलखाले जनाएको छ ।

प्रहरी नायव उपरीक्षक सुरेश काफ्लेका अनुसार राधिकाको टाउकोमा चोट देखिएको छ भने सन्देशको घाटीमा चोट छ । हत्या कसरी भएको हो भन्ने पोष्टपार्ट पछिमात्रै थाहा हुने प्रहरीले जनाएको छ ।

७ भदौ विहान ६ बजे दुध ल्याउने बालिकाले राधिकालाइ भुईमा लडेको अवस्थामा देखेपछि स्थानीयलाई खवर गरेकी थिइन् ।

हत्या कसले गर्‍यो भन्नेबारेमा थाहा नलागेको र घटनाको अनुसन्धान भइरहेको प्रहरी नायव उपरीक्षक काफ्लेले बताए ।
७ बर्ष अघि मलेसियामा रोजगारीका लागि गएका राधिकाको श्रीमानको उतै मृत्यु भएपछि उनले चरंगेमा होटेल ब्यवसाय गर्दै आएकी थिइन् ।

स्थानीय अर्का होटल व्यवसायी सानुमैया श्रेष्ठका अनुसार राति करिब ७ बजे तिर मृतक राधिकाको होटलमा तीन जना केटाहरु बसेर खादै थिए । उनीहरुको बारेमा जान्न खोज्दा काठमाडौँ घर भनेको सानुमैयाले बताईन ।

घट्ना बारे अन्य छिमेकी होटल व्यवसायीहरुले अनभिज्ञता प्रकट गरेका छन् ।
सर्मिला बुढाथोकी, दोलखा

प्रतिकृया दिनुहोस