पर्साको सुपौली–९ की पावर्ती देवीलाई बोक्सीको आरोप लगाउँदै कुटपिट गरी हत्या गरिएको घटनाका योजनाकार मानिने खाँलाई प्रहरीले सीमावर्ती भारतीय गाउँ गौना थानाबाट भारतीय प्रहरीको सहयोगमा पक्राउ गरेको छ ।

गत ३१ साउनमा पावर्तीलाई बोक्सीको आरोपमा कुटपिट गर्दा उनको मृत्यु भएपछि खाँ फरार रहँदै आएका थिए । उनी गौनाहामा लुकिछिपी बसेको सूचनाको आधारमा प्रहरीले भारतीय सुरक्षाकर्मीको सहयोगमा पक्राउ गरेको जिल्ला प्रहरी कार्यालय पर्साका प्रहरी नायब उपरीक्षक वासुदेव खतिवडाले जानकारी दिए ।

कत्र्तव्य ज्यान मुद्दामा पक्राउ परेका अभियुक्त खाँलाई आवश्यक अनुसन्धानका लागि जिप्रका पर्सामा राखिएको छ । पावर्ती हत्या काण्डमा हालसम्म प्रहरीले तीन महिला र खाँ समेत गरी चार पुरुषलाई पक्राउ गरेको छ ।

घटनाका मुख्य अभियुक्त जगदीश चौधरी भने हालसम्म फरार छन् ।

प्रतिकृया दिनुहोस