उच्चस्तरीय राजनीतिक समितिमा बहुसंख्यक जनताको प्रतिनिधित्व गर्ने दलहरु नसमेटिएको भन्दै संघीय समाजवादी पार्टीका अध्यक्ष अशोक राईले समिति खारेजी र सर्वदलीय सम्मेलनको माग गरेका छन् ।

१४ भदौमा तनहुँको दमौलीमा आयोजित पत्रकार सम्मेलनमा बोल्दै राईले सरकारलाई नै प्रभावमा राखेको संयन्त्रको अस्तित्व रहँदासम्म चुनाव निष्पक्ष नहुने दाबी गरे ।

आफूहरु अहिले पनि सरकारसंग वार्ताको प्रक्रियामा रहेको भन्दै निर्वाचनमा सबैको सहभागिताका लागि राजनीतिक समिति भंग गरी सर्वदलीय सम्मेलन गरिनुपर्नेमा जोड दिए ।

सबै समस्याको निकास निर्वाचन नै हो भन्नेमा सबैको एक मत भए पनि प्रक्रियाका बिषयमा मतभेद रहेको राईको भनाई छ ।

आदिवासी जनजाति पत्रकार महासंघले आयोजना गरेको पत्रकार सम्मेलनमा बोल्दै उनले आफ्नो पार्टी कुनै जाति विशेषको नभै सबै जात र क्षेत्रको प्रतिनिधित्व गर्ने समावेशी पार्टी भएको दाबी गरेका थिए ।
पवन पौडेल, तनहुँ

प्रतिकृया दिनुहोस