‘हाम्रो गन्तव्य, मानव बेचबिखनको अन्त्य’ भन्ने नाराका साथ देशभर मानव बेचबिखन तथा ओसारपसार विरुद्धको सातौँ राष्ट्रिय दिवस मनाइरहेका बेला रक्सी पिउने पैसाका लागि गजेन्द्र सरदारले नाबालक छोरा बेचेका हुन् ।

प्रहरीले जनाएअनुसार स्थानीयवासीको सूचनाका आधारमा नाबालक शिशुसहित उनलाई किन्ने राजविराज–९ का ३८ वर्षीय जाकिर अन्सारी र निजकी पत्नी ३० वर्षीया कोरेसा खातुनलाई गिरफ्तार गरिएको छ ।

अन्सारी दम्पतीको बयानका आधारमा शिशु किनबेचमा सहयोग गर्ने नकटी रायपुर–४ हरिरावाका ३० वर्षीय लालमोहम्मद राइनलाई प्रहरीले २० भदौ राति ११ बजे गिरफ्तार गरेको प्रहरीनायब निरीक्षक विश्वनाथ यादवले बताए । यादवका अनुसार राइनले छिमेकी सरदारले छोरा बेच्न खोजेपछि निःसन्तान रहेका अन्सारी दम्पतीकहाँ शिशु पु¥याइदिएको प्रहरीसमक्ष बयान दिएका छन् ।

हाल अन्सारी दम्पती र राइन शिशुसहित जिल्ला प्रहरी कार्यालयको नियन्त्रणमा रहेका छन् । शिशुले आमाको दूध खान नपाएपछि उनको स्वास्थ्य स्थिति बिग्रिँदै गएको छ ।

आफ्नै सन्तान बेच्ने सरदारविरुद्ध प्रहरीले मानव बेचबिखनको मुद्दा चलाउने जनाएको छ ।

रासस

प्रतिकृया दिनुहोस