राष्ट्रपति रामवरण यादवका छोरा चन्द्रमोहन यादवको नाम जिल्लाबाट सिफारिस नभएको भन्दै १९ भदौमा जुलुश प्रदर्शन गरेका यादवपक्षीय कार्यकर्ताहरुले २१ भदौमा पार्टी कार्यालय घेराउ गरेका छन् । संभावित भिडन्त हुन नदिन नेपाली कांग्रेस धनुषा कार्यालयमा ब्यापकमात्रामा प्रहरी परिचालन गरिएको छ ।

धनुषा निर्वाचन क्षेत्र नं ५ बाट प्रत्यक्षतर्फ आफ्नो नाम सिफारिस हुनुपर्ने यादवले माग गर्दै आएका छन् । अहिले उक्त क्षेत्रबाट तरुण दलका पूर्व अध्यक्ष महेन्द्र यादवको नाम सिफारिस भएको छ । विघटित संविधान सभा निर्वाचनमा राष्ट्रपति रामवरण यादवले पनि ५ नम्बरबाटै निर्वाचन जितेका थिए भने त्यसपछि भएको उप निर्वाचनमा राष्ट्रपतिपुत्र चन्द्रमोहनले उम्मेदवारी पाए पनि हारेका थिए ।

विवादकै कारण धनुषा निर्वाचन क्षेत्र नं ४ र ७ बाट उम्मेदवारको नाम सिफारिस हुन सकेको छैन् ।

इश्वरचन्द्र झा, जनकपुरधाम

प्रतिकृया दिनुहोस