स्वास्थ्यअवस्था गम्भीर भएर वीरअस्पतालको आइसीयुमा भर्ना हुँदा पनि अनशन जारी नै राखेका गोरखाका अधिकारी दम्तीलाई प्रधानमन्त्री कार्यालयका सचिव कृष्णहरि बाँस्कोटाले जुश खुवाएर अनशन तोडाएका थिए ।

उनीहरुको अनशन टुंग्याउन सरकारी उच्च अधिकारीहरुले २२ भदौ दिउँसो ४ बजेदेखि प्रयास गरे पनि तीनवटा मूख्य माग राखेका अधिकारी दम्पतीले अनसन तोड्न अस्वीकार गर्दै आएका थिए । तर पनि उनीहरुको माग पूरा गराउने आश्वासन सहित सरकारी अधिकारीको निरन्तरको प्रयसपछि अन्ततः राति १ बजेर पाँच मिनेट जाँदा अधिकारी दम्पतीले सचिव बाँस्कोटाको हातबाट जुस पिउन माने ।

२१ दिनदेखि वीर अस्पतालको आईसीयूमा रहेका उनीहरुलाई ‘इन्ट्राभेनस मेडिसिन’ दिएर बचाई राखिएको थियो । मानवअधिकारवादीसहितका सरकारी अधिकारीहरुसँग भएका वार्तामा दम्पतीका तर्फबाट राखिएका मागमा सहमति भएको थियो ।

आफ्ना छोरा कृष्णप्रसाद अधिकारी हत्याका आरोपीमध्ये एक जना पक्राउ परे पनि अन्यलाई पनि तुरुन्तै पक्राउ गरिनुपर्ने, अनुसन्धान र मुद्दाको प्रक्रिया जारी राख्दै दोषिमाथि कार्वाही हुनुपर्ने र आफ्नो जफत भएको जग्गा र सम्पति क्षतिपूर्तिसहित फिर्ता हुनुपर्ने र सुरक्षाको ग्यारेण्टी हुनुपर्ने माग अधिकारी दम्पतीको थियो । जसमा सरकारी अधिकारीहरुले सहमति जनाएका छन् ।

सर्वोच्च अदालतले अधिकारी दम्पतीको जीवनरक्षा गर्न उनीहरुले नमाने पनि जबरजस्ती खाना खुवाउन १८ भदौमा सरकारका नाममा अन्तरिम आदेशसमेत दिएको थियो ।

त्यसपछि उनीहरुको अनशत तोडाउने सरकारी प्रयास असफल भएको थियो भने नेपाल चिकित्सक संघले जवर्जस्ती खुवाउनु चिकित्सकीय मर्यादा र आचारसंहिता विपरित हुने बताएको थियो । अन्ततः उनलाई जवरजस्ती खुवाउनुपर्ने अवस्था भने आएन ।

प्रतिकृया दिनुहोस