नेपालले पाएको दुईवटा पेनाल्टी फ्रि किकको अवसर सदुपयोग गर्न नसक्दा अफगानिस्तानका लागि जर्सी नं ११ का खेलाडीले ११ औँ मिनेटमा गरेको गोल नै निर्णायक बन्यो ।

आठौँ साफ च्याम्पियनसिप प्रतियोगिताअन्तर्गत २३ भदौमा दशरथ रङ्गशालामा भएको सेमिफाइनल चरणको पहिलो खेलमा नेपाल अफगानिस्तानसँग १–० गोल अन्तरले पराजित भएको छ ।

खेलको दोस्रो हाफको ८५ औँ मिनेटमा पाएको दोहोरो पेनाल्टी प्रहार गर्ने अवसर पाएका नेपाली डिफेन्डर  रोहित चन्दको प्रहार अफगान गोलकिपरले सहजै छेकिदिए ।  डिफेन्डरलाई पेनाल्टी प्रहार गर्न दिनु गलत सावित भयो ।

अफगानिस्तानका गोलकिपरले विमल घर्तीमगरलाई लडाएपछि रेफ्रीले पेनाल्टी दिएका थिए भने चन्दले पेनाल्टी प्रहार गर्ने समयमा अफगानिस्तानका खेलाडी पेनाल्टी एरियाभित्र प्रवेश गरेपछि रेफ्रीले दोस्रो पेनाल्टी दिएका थिए ।

यसअघि सन् २०११ मा भारतको नयाँदिल्लीमा भएको सातौँ संस्करणको सेमिफाइनल खेलमा नेपाल अफगानिस्तानसँग १–० गोलले पराजित भएको थियो ।

खेलमा नेपालको पराजयपछि आक्रोशित दर्शकले मैदानमा मोबाइल टेलिफोन पनि प्रहार गरेका थिए ।

प्रतिकृया दिनुहोस