२५ भदौमा काठमाडौंमा आयोजित पत्रकार सम्मेलनमा नेपालका लागि पाकिस्तानी राजदूत सउद अर्सद खोसाले पाकिस्तान ब्यापार मेला ‘मेड इन पाकिस्तान’ दुई देशबीचको व्यापार बढाउने उद्देश्यले आयोजना गरिएको बताए ।

“हामीबीच सरकारीस्तरमा मात्र होइन जनस्तरमा पनि अत्यन्त सुमधुर सम्बन्ध छ, यस्ता मेलाले जनता–जनताबीचको सम्पर्कलाई अझ सुदृढ बनाउँछ”– मेलाको उद्देश्यबारे स्पष्ट गर्दै पाकिस्तानी राजदूत खोसाले भने ।
नेपाली गलैंचा, चिया र पश्मिनाको माग आफ्नो मुलुकमा ज्यादै धेरै रहेको बताउँदै उनले मेलामा आएका पाकिस्तानी व्यापारीमार्फत नेपाली उद्यमी–व्यवसायीले आफ्ना उत्पादन पाकिस्तानी बजारमा पुर्‍याउन आवश्यक प्रयास गर्नुपर्नेमा जोड दिए ।

५० वटा बिक्रीकक्ष रहने मेलामा पाकिस्तानी छालाका उत्पादन, लत्ता कपडा, शृङ्गार प्रशाधन, ‘फर्निचर’, गृह सजावटका सामग्री बिक्री हुनेछन् ।

प्रतिकृया दिनुहोस