२९ भदौमा ओडिशा राज्यको मल्कानगिरी जंगलमा भएको मुठभेडमा एक महिलासहित १४ जना माओवादी लडाकुको हत्या भएको प्रहरी निर्देशक प्रकाश मिश्राले पुष्टि गरेको हिन्दुस्तान टाइम्सको अनलाईन संस्करणले जनाएको छ ।

यो क्षेत्र विद्रोही माओवादी प्रभाति छत्तिसगढ राज्यको नजिक पर्छ । गत २५ मेमा भारतीय कांग्रेसका नेताहरुको हत्यामा संलग्न रहेका लडाकुहरु मारिएको समेत भारतीय सञ्चारमाध्यमहरुले जनाएका छन् ।

प्रहरीले चलाएको विशेष अपरेशन अन्तर्गत माओवादीका खोजीमा जंगल पसेका सुरक्षाकर्मी र माओवादीबीच झडप भएको बताइएको छ । प्रहरीले घटनास्थलबाट विष्फोटक पदार्थ, हतियार र गोली बरामद गरेको दाबी गरेको छ ।

घटनालाई प्रहरीले माओवादीविरुद्धको अभियानमा प्रमुख सफलता समेत भनेको छ । भारतीय समाचार संस्था पीटीआईका अनुसार प्रहरीले अन्य माओवादी पनि त्यसक्षेत्रमा रहेको आशंकामा खोजी अभियान जारी छ ।
केही दिनअघिमात्रै यसैक्षेत्रमा माओवादीले प्रहरीका १५ जवानको हत्या गरेका थिए ।

प्रतिकृया दिनुहोस