स्वास्थ्य तथा जनसङ्ख्या मन्त्रालयअन्तर्गतका दुर्गम क्षेत्रका विभिन्न अस्पतालमा रही सेवा गरिराखेका चिकित्सक वाग्लेले अध्ययनका क्रममा थाइल्याण्डमा रहँदा करिब एक वर्ष अगाडि क्यान्सर भएको पत्ता लागेको थियो । त्यहाँबाट भारतमा पुगी उपचार गरेका चिकित्सक वाग्लेको थप उपचारका लागि अमेरिका जानुपर्ने भएकाले अहिले आर्थिक समस्या देखिएको हो ।

“थप उपचार भएमा समय लम्बिन सक्छ, चिकित्सक बाग्लेले भनेका छन् । यसका लागि अमेरिका जानुपर्छ । त्यहाँ जान आर्थिक समस्या छ । त्यसैले मैले सहयोगी हातलाई आह्वान गरेको हुँ ”

यसैबीच क्यान्सरपीडित वाग्लेलाई ओम हेल्थ फाउण्डेसनले रु एक लाख ६१ हजार आर्थिक सहयोग प्रदान गरेको छ । फाउण्डेसनका अध्यक्ष डा भोला रिजाल र स्वास्थ्य तथा जनसङ्ख्या मन्त्रालयका सचिव डा प्रवीण मिश्रले डा वाग्लेलाई भेट गरी हालै सो रकम प्रदान गरेका हुन् ।

सहयोग गर्न चाहनेले नेपाल बैंक चाबहिल खाता नं ०६४१११३४८२ मा सहयोग प्रदान गर्न सकिने छ । मन्त्रालयले डा वाग्लेलाई उत्कृष्ट कर्मचारीका रुपमा सम्मान पनि गरिसकेको छ ।
रासस

प्रतिकृया दिनुहोस