७ असोजमा चितवन आएका पुष्पकमल दाहाल (प्रचण्ड) भरतपुर विमानस्थलमा सञ्चारकर्मीहरुसँग कुरा गर्दै। तस्बीर:सविता श्रेष्ठ, हिमालखबर

अध्यक्ष दाहालले
वैद्य पक्ष पार्टी एकीकरण गर्न आएपनि नभए छुट्टै पार्टिको रुपमा आएपनि चुनावको लागि तालमेल गर्न आफ्नो पार्टी तयार रहेको बताएका हुन् । पार्टी एकिकरण भएमा पहिलाको संविधान सभाको चुनावमा नै उठेका उम्मेदवारहरु उठाउन सकिने उनले बताए ।

खम्बासिंह कुँवर अभिनन्दन ग्रन्थ सार्वजनिक कार्यक्रममा सहभागी हुन ७ असोजमा चितवन आएका उनले चुनावका बारेमा अन्यौल नहुन आग्रह गरे । चुनावको बारेमा वहिस्कार गर्न खोज्नेहरुसँग छलफल भई रहेको बताउँदै उनले भने –‘कोही आउन चाहँदैन भने देशलाई बन्धक बनाउन हुँदैन, छलफल भैरहेको छ अन्तिम समयसम्म सहभागी हुन आउनुपर्छ ।’

भरतपुर विमानस्थलमा सञ्चारकर्मीहरुसँग कुरा गर्दै अध्यक्ष प्रचण्डले चुनावमा सहभागी भएर एमाओवादीको बहुमत आउने समेत उनले दावी गरे । अहिलेको ठूलो पार्टी भएको हिसाबले पनि आफु बहुमतको बारेमा ढुक्क रहेको बताए ।

–सविता श्रेष्ठ, चितवन

प्रतिकृया दिनुहोस