काठमाडौंमा ११ असोजमा आयोजित पुस्तक विमोचन कार्यक्रममा सहभागी भएका नेकपा–माओवादीका अध्यक्ष मोहन वैद्यले आफ्नो नेतृत्वमा रहेको मोर्चा संविधानसभा निर्वाचनमा सहभागी हुन तयार भए पनि ४ मंसीरको मिति भने मान्य नभएको दोहोर्‍याए ।

यसअघि नै प्रमुख दलका नेताहरुले मोहन वैद्य निर्वाचनप्रति प्रतिवद्ध नभएको र मिति सार्ने माग निर्वाचन हुन नदिने बहानामात्रै भएको दाबी गर्दै आएका छन् ।

वैद्यले समस्या समाधानका लागि आफू अत्यन्ते लचक भए पनि प्रमुख राजनीतिक दलहरु भने गैरजिम्मेवार भएको आरोप लगाए । उनले ४ मंसीरमा कुनै पनि हालतमा निर्वाचन हुन नदिने धम्की समेत दिएका थिए ।

कार्यक्रममा अध्यक्ष वैद्यले नेकपा–माओवादीका केन्द्रीय सल्लाहाकार हस्तबहादुर केसीद्वारा लिखित ‘क्रान्ति र विद्रोह’ नामक पुस्तकको विमोचन गरेका थिए । उनले एमाले कम्युनिष्ट पार्टी नै नभएको, एमाओवादी एमाले बनीसकेको र आफूले मात्रै कम्युनिष्ट आन्दोलनको नेतृत्व गरिरहेको दावी गरेका थिए ।

प्रतिकृया दिनुहोस