“झन्डै पाँच निर्वाचन क्षेत्रबाहेक सबै उम्मेदवारको नामावली टुङ्गो लागेको छ, बाँकी केही क्षेत्रको पनि छिट्टै टुङ्गो लाग्छ,” नेपाली काँग्रेसको केन्द्रीय कार्यालय सानेपामा पत्रकारसँग कुरा गर्दै महामन्त्री सिंहले भने ।

१५ असोज बिहान बसेको संसदीय समितिको बैठक प्रत्यक्षतर्फको उम्मेदवार टुङ्गो लगाउन रातभर बसेको थियो ।

“उम्मेदवार चयन गर्दा सकेसम्म निर्वाचन क्षेत्रमा खटेको, लोकप्रिय र जनाधार भएको व्यक्तिलाई प्राथमिकता दिइएको छ,” सिंहले भने । उनले समानुपातिकतर्फका ३३५ उम्मेदवारको छनोट प्रक्रिया पनि बढिरहेको जानकारी गराउँदै अब तत्कालै संसदीय समितिको बैठक बस्न लागेको जानकारी दिएका थिए ।

प्रत्यक्षतर्फको नामावली टुङ्गो लागेका जिल्लाका उम्मेदवारले बिहानदेखि पार्टी केन्द्रीय कार्यालयबाट मनोनयनपत्र लाने क्रम शुरु भएको छ । त्यसका लागि दिउँसोसम्म सयभन्दा बढी उम्मेदवारले आफ्नो मनोनयनपत्र लगिसेकेको र अझै मनोनयपत्र बुझ्नेक्रम जारी छ ।

उम्मेदवारको नामावलीमा नपरेका नेता तथा कार्यकर्ताहरूले पार्टी केन्द्रीय कार्यालय बाहिर असन्तुष्टि जनाउँदै नारा लगाइरहेका छन् ।

संसदीय समितिका प्रवक्ता एवम् महामन्त्री कृष्णप्रसाद सिटौलाले यसअघि प्रत्यक्षतर्फका उम्मेदवारको नामावलीको अन्तिम टुङ्गो लागेपछि पत्रकारसम्मेलन गर्ने जानकारी दिए पनि अझै त्यो हुन सकेको छैन ।

———————————————————————————————————————————
कांग्रेसले काठमाडौंमा उम्मेदवारको टुंगो लगायो
नेपाली कांग्रेसले काठमाडौंका १० वटै निर्वाचन क्षेत्रमा प्रत्यक्षतर्फ उम्मेदवार टुंगो लगाएको छ ।

नेपाली कांग्रेसले चर्चित युवा नेता गगन थापालाई काठमाडौं-४ बाट उम्मेदवार बनाएको छ । उनको उम्मेदवारीकाबारेमा यसअघि केही विवाद समेत भएको थियो ।

त्यसैगरी कांग्रेसले क्षेत्र नं. १ मा प्रकाशमान सिंह, २ मा प्रतिमा गौतम, ३ मा चक्र ठकुरी ४ मा गगन थापा, ५ मा नरहरि आचार्य, ६ मा भिमसेनदास प्रधान, ७ मा प्रमिलासिंह डंगोल, ८ मा नविन्द्रराज जोशी, ९ मा ध्यानगोविन्द रञ्जित र १० नं. क्षेत्रबाट राजन केसीलाई उम्मेदवार बनाउने औपचारिक घोषणा गरेको छ ।

काठमाडौंबाट पार्टीले टिकट दिएकामध्ये गगन थापा र प्रतिमा गौतमबाहेक सबैजना यसअघि पनि सम्बन्धित क्षेत्रबाट उम्मेदवार भैसकेकाहरु हुन् ।

प्रतिकृया दिनुहोस