१५ भदौमा विज्ञप्ति जारी गर्दै शीलाका पति एवम् नेपाली कांग्रेस केन्द्रीय सदस्य खुमबहादुर खड्काले आफ्नी पत्नीले आगामी संविधान सभा सदस्यका लागि पार्टीबाट पाएको उम्मेदवारी फिर्ता गरेको बताएका छन् ।

भ्रष्टाचारको आरोपमा हाल जेलमा रहेका खड्काले नेपाली कांग्रेसकातर्फबाट उम्मेदवारी दिने सन्दर्भमा देशव्यापी रुपमा भेदभाव गरिएको र वीपी कोइरालाको विचारसँग वर्षौंदेखि प्रतिवद्ध कार्यकर्ताहरुलाई वञ्चित गरिएको आरोप लगाएका छन् ।

उनले सबै कार्यकर्ताहरुलाई पार्टीभित्रै रहेर संघर्ष गर्न पनि आह्वान गरेका छन् ।

खुमबहादुर खड्का जेलमै रहे पनि आगामी संविधान सभा सदस्यको निर्वाचनमा आफू पक्षधरलाई टिकट दिलाउन लविङ गरेका थिए । अहिलेसम्म राजनीतिमा नलागेकी शीलालाई कांग्रेसले प्रत्यक्षतर्फ उम्मेदवार बनाउने भएपछि पार्टीभित्रै विरोध भएको थियो ।

प्रतिकृया दिनुहोस