भारतको राँचीस्थित सीबीआई विशेष अदालतले भारतको सत्ता गठबन्धनमा आवद्ध राष्ट्रिय जनता दलका अध्यक्ष लालुप्रसाद यादवलाई आपराधिक षडयन्त्रको दोषि भन्दै ५ वर्ष कैद सजाय र २५ लाख जरिवानाको फैसला सुनाएको छ ।

त्यही मुद्दामा बिहारकै पूर्व मुख्यमन्त्री जगन्नाथ मिश्र र जनता दल युनाइटेडका सांसद जगदीश शर्मालाई चार वर्ष कैद सजाय सुनाइएको छ । मिश्रलाई २ लाख र शर्मालाई ५ लाख जरिवान तोकिएको छ ।

दुई वर्षभन्दा धेरैको कैद सजाय पाएपछि लालुप्रसाद यादव र जगदीश शर्माको संसद सदस्यता समेत रद्द हुने भएको छ । दुवै जना जेलबाट रिहा भएको ६ वर्षसम्म कुनै पनि निर्वाचनमा भाग लिन पाउने छैनन् ।

लालु लगायतका राँचीस्थित बिरसा मुंडा जेलमा रहेका अभियुक्तहरुले भिडियो कन्फेन्सिङमार्फत अदालतको कार्वाही हेरेका थिए ।

लालु यादव भ्रष्टाचारी ठहर, जेल चलान

प्रतिकृया दिनुहोस