जिल्ला सदरमुकाम गमगढीदेखि उत्तर पश्चिम पर्ने भिई गाउँमा काँगे्रसको घरदैलो कार्यक्रममा नेकपा–माओवादीका कार्यकर्ताहरूले आक्रमण गर्दा दुवैतर्फ गरी १० जना घाइते भएका छन् भने
एकजनाको अवस्था चिन्ताजनक छ ।

घाइते हुनेमा कांगे्रस कार्यकर्ताहरु भिई गाउँका जलेश्वर धामी, लीला धामी, केशव धामी, पुन्नलाल कुलाल र नार्थपु–५ जडेपानी गाउँका अक्कल शाही छन् । घाइते शाहीको अवस्था चिन्ताजनक रहेको कांगे्रस उम्मेदवार ऐनबहादुर शाहीले जानकारी दिएका छन् । उता माओवादीतर्फ दन्त्या दमाई, तारा दमाईलगायत पाँच जना घाइते भएको जनाइएको छ ।

कांग्रेसले २७ असोजमा भिई गाउँमा घरदैलो कार्यक्रम गर्दै गर्दा दिउँसो ३ बजे माओवादी कार्यकर्ताले ढुङ्गामुढा गरेर आक्रमण गरेको काँगे्रसले मुगुले बताएको छ ।

घटनास्थल सदरमुकामबाट दुई दिन टाढा भएकाले विस्तृत जानकारी आउनसकेको छैन । दुवैतर्फ गरी १० जना घाइते भएको जानकारी आएको र तत्काल घटनास्थलतर्फ सोरुकोट प्रहरी चौकीबाट १५ जनाको एक टोली प्रस्थान गरेको प्रमुख जिल्ला अधिकारी बलभद्र गिरीले जानकारी दिए ।
रासस

प्रतिकृया दिनुहोस