चाडपर्बका वेला अत्याधिक यात्रुहरुको चाप हुने यो सड्कको स्तरोन्नतीका लागि ठेक्का लिएको निर्माण कम्पनीले समयमै काम पूरा नगर्दा यात्रुहरु जोखिमपूर्ण यात्रा गर्न वाध्य छन् ।

१८ महिना अघि जिविसले ठेक्का मार्फत प्यूठानका वाग्दुला, मच्छि, ठूलाबेसी हुदै गुल्मी, खलंगा जोगिटारी पुग्ने सडकको स्तरोन्नती गर्ने काम शुरु गरेको थियो । १८ करोड ९१ लाख रुपैयामा ठेक्का स्वीकृत भएको जिल्ला प्राविधिक कार्यालयका जिल्ला इञ्जिनिएर मेघराज ज्ञवालीले बताए । ज्ञवालीका अनुसार असार मसन्तामा काम पूरा भइसक्नु पर्नेमा ठेकेदारले काम सम्पन्न नगर्दा फेरि म्याद थप गरिएको छ । थपिएको म्याद पुस १५ सम्ममा पनि सडक निर्माण कार्य सम्पन्न हुने छाँट भने देखिंदैन ।

शंकर माली कञ्चन जंघा जेभि निर्माण कम्पनीले लिएको उक्त सडकको ठेक्काको काम जेठपछि भएकै छैन ।

यता उक्त सडकमा सार्वजनिक बस सेवा सञ्चालन गर्दै आएको स्वर्गद्वारी यातयात व्यबसायी समितिले तत्काल सडकको मर्मत नगरे यातयात बन्द गर्नु पर्ने अबस्था आएको जनाएको छ । सडकमा एम्बुलेन्स गुड्न समेत समस्या भएपछि यहाँका वासिन्दाले थप सास्ती भोग्नु परेको छ ।

मंसीर महिनासम्ममा सडकको स्तरोन्नती कार्य सम्पन्न हुने जिविसले दाबी गरेको छ ।
प्रमोद पोख्रेल, प्यूठान

प्रतिकृया दिनुहोस