धुलिखेलस्थित सेनाको खड्गदल गणले संविधानसभा निर्वाचन प्रयोजनका लागि काभ्रेका ४ निर्वाचन क्षेत्रका घर्तीछाप, मंगलटार, चौवास, महादेवस्थान, कामीडाँडा, धुलिखेल, पनौती र भकुण्डेमा क्याम्प स्थापना गरेको छ ।

२८ वटा गाविस रहेको १ नं क्षेत्रका ४४ वटा मतदान केन्द्रका लागि मंगलटार र घर्तीछापमा क्याम्प रहनेछ भने एक नगरपालिका सहित १९ गाविस रहेको क्षेत्र.न. २ का ४७ वटा मतदानकेन्द्रका लागि भकुण्डे र पनौतीमा क्याम्प खडा गरिएको छ ।

त्यस्तै १६ गाविस रहेको क्षेत्र.न. ३ को ४१ वटा मतदानकेन्द्रको लागि कामीडाँडा र धुलिखेलमा तथा २२ वटा गाविस रहेको क्षेत्र.न. ४ को ५३ वटा मतदानस्थलका लागि महादेवस्थान र चौवासमा रहेको क्याम्पले सुरक्षा प्रदान गर्नेछ ।

काभ्रेमा ४ निर्वाचन क्षेत्र सहित तिन नगरपालिका र ८७ गाविस छन् । ३ सय २४ वटा मतदान केन्द्र रहेको काभ्रेमा २ लाख ८ हजार ६ सय १७ जना मतदाता छन् ।
नगेन्द्र अधिकारी, काभ्रे

प्रतिकृया दिनुहोस