अभियुक्तहरु रामचन्द्र कुशवाहा प्यासी, अतिक खान र राजु श्रीवास्तव

जिल्ला प्रहरी कार्यालय बारामा १० कात्तिकमा पत्रकार सम्मेलन गरी केन्द्रीय अनुसन्धान ब्यूरोले महमुद आलमको हत्या अभियोगमा पक्राउ परेका पूर्वसभासद् प्यासीसहित भारतीय नागरिक अतिक खान र राजु श्रीवास्तवलाई सार्वजनिक गरेको छ।

प्रहरीको केन्द्रीय अनुसन्धान ब्यूरोका प्रमुख डीआईजी प्रकाश अर्यालले पूर्वसभासद् कुशवाहाको योजनामा आलमको हत्या भएको बताए । “अहिलेसम्मको अनुसन्धान अनुसार हत्यामा उनीहरुको संलग्नताको आधार भेटिएको छ,” अर्यालले भने, “हामी अझै अनुसन्धानमै छौं ।”

बाराको बन्जरिया- ७ का ५० वर्षीय प्यासी एमालेकै राष्ट्रिय प्रतिनिधि परिषद् सदस्य पनि हुन् । पेसाले सिभिल इञ्जिनियर भारतको अलीगढ घर भएका ४२ वर्षीय अतिक खान वीरगञ्जमै ब्यापार गर्छन् । राजु श्रीवास्तव भारतमा पत्रकारिता गर्दै आएका छन् । भारत रक्सौल-४ घर भएका ३८ वर्षीय बर्माले सूचनाको व्यवस्थापन गरेको प्रहरीको दाबी छ ।

प्रहरीले आलम हत्या योजना ६ महिना अघिदेखिको भएको तर यसअघिका तीनवटा प्रयास विफल भएपछि बारामा हत्या

गरिएको बताएको छ । डीआइजी अर्यालका अनुसार काठमाडौंको जोरपाटीमा ११ असोजमा भारतीय नागरिक मोहम्मद समुसलहक र एमाले नेता आलममालाई गोली प्रहार गर्ने व्यक्ति एउटै हुन् ।

हत्याका मूख्य योजनाकार दुबईमा बसी निर्देशन र समन्वय गरेको बताए पनि प्रहरीले दुबईमा रहेका भनिएका व्यक्तिको नाम भने खुलाएन ।

एमाले केन्द्रीय कमिटी सदस्य समेत रहेका आलममाथि १८ असोज मा बाराको परवानीपुरस्थित चावसती खाद्य उद्योगअगाडि भारतीय नम्बर प्लेटको मोटरसाइकलमा आएका दुई जनाले गोली प्रहार गरी फरार भएका थिए ।
गम्भीर घाइते आलमलाई वीरगञ्जमा प्राथमिक उपचारपछि शिक्षण अस्पताल महाराजगञ्जमा ल्याइएको थियो । उपचारका क्रममा २४ असोजमा आलमको मृत्यु भएको थियो ।

श्याम गुप्ता, बारा

————————————————————————–

आलम हत्या अभियोगमा पूर्वसभासद पक्राउ
बारा ४ का नेकपा एमाले उम्मेदवार महमुद आलमको हत्या अभियोगमा पूर्वसभासद तथा एमाले नेता रामचन्द्र प्यासी कुशवाहा पक्राउ परेका छन् ।

हिमालखबर

कुशवाहालाई नेपाल प्रहरीको केन्द्रीय अनुसन्धान ब्यूरो(सिआइबी)ले ९ कार्तिक साँझ पक्राउ गरेको हो । गत संविधानसभामा एमालेबाटै सभासद भएका कुशवाहाले प्रत्यक्षमा टिकट नपाएपछि हत्या गरेको हुन सक्ने प्रहरीको प्रारम्भिक अनुसन्धानको निश्कर्ष छ ।

आलमलाई १८ असोज बिहान बाराको लिपनीमाल–४ मा मोटरसाईकलमा आएका दुई जनाले गोली हानेका थिए । उपचारको क्रममा हक हप्तापछि आलमको निधन भएको थियो ।

प्रतिकृया दिनुहोस