नेकपा-माओवादीले बन्दको आह्वान गरेपछि संखुवासभा बसपार्कमा रोकिएका गाडि र यात्रुहरु ।

एमाओवादी नेता चुनावी कार्यक्रममा चैनपुर आउने भएपछि नेकपा–माओवादी संखुवासभाले १० कात्तिकमा जिल्लामा सम्पूर्ण यातयात बन्दको आव्हान गरेको छ ।

नेता भट्टराई चैनपुर बजारमा पार्टीले आयोजना गरेको कार्यक्रमलाई सम्बोधन गर्न तुम्लिङटार हुँदै आउने कार्यक्रम भएपछि उक्त कार्यक्रम हुन नदिन बन्दको आव्हान गरेको नेकपा–माओवादीका इन्चार्ज राजेन्द्र कार्कीले बताए । उनले शान्तिपूर्ण यातयात बन्दको आव्हान गरेको र सबैले सहयोग गर्नु पर्ने भन्दै बन्दको अबज्ञा गरेमा क्षति बेहुर्नु पर्ने धम्की समेत दिए । प्रशासनले बन्द खुलाउन कुनै प्रयास गरेको छैन ।

बन्दका कारण खाँदबारीबाट धरान साथै जिल्लाका बिभिन्नस्थानमा चल्ने गाडीहरु ठप्प छन् । यातयात नचल्दा सयौ यात्रु बसपार्कमै अलपत्र परेका छन् ।

यात्रुहरुले अग्रीम जानकारी नदिई एक्कासी बन्द भन्दै गाडी रोक्नु अराजक ब्यवहार भनेका छन् । मुडे, चैनपुर, तुम्लिङटार, खाँदबारी र भञ्ज्याङबाट दैनिक १० वटा बस धरान र बिराटनगरका लागि छुट्ने गरेकोमा बन्दले गर्दा रोकिएका छन् ।
छेटु शेर्पा सङ्खुवासभा

प्रतिकृया दिनुहोस