विगतको संविधानसभामा कांग्रेसको बहुमत नहुँदा संविधान बन्न नसकेको दावी गर्दै कांग्रेस महामन्त्री कृष्णप्रसाद सिटौलाले पाँच वर्षको समय माओवादीका कारण व्यर्थै भएको आरोप लगाएका छन् ।

“संविधान बनाउने काम हात्तीले उठाउने जस्तो ठूलो भारी हो, ” १६ कात्तिक दिँउसो झापा– ३ को जलथलमा आयोजित चुनावीसभामा सिटौलाले भने, “माओवादी ठूलो पार्टी त  बन्यो तर, हात्तीको भार गधाले थेग्न सकेन र संविधान बनेन ।”

उनले अहिले पनि एमाओवादीले वाध्यताले मात्रै  लोकतन्त्र भन्ने गरेको तर ब्यवहारमा भने त्यसको उल्टो भएको बताएका थिए ।

२०६४ सालको निर्वाचनमा पनि झापा–३ बाटै उम्मेदवारी दिएका सिटौलालाई माओवादीका पूर्णसिंह राजवंशीले हराएका थिए ।
गोपाल गडतौला, झापा

प्रतिकृया दिनुहोस