नेपाल सम्वत् ११३४ शुरु भएको अवसरमा काठमाडौंको वसन्तपुरमा आयोजित सभामा मन्त्रिपरिषद्का अध्यक्ष खिलराज रेग्मीले जनतालाई त्रसित बनाउन उम्मेदवारका गाडीमा आगजनींका घटना गराइएको भन्दै त्यस्ता सामान्य गतिविधिले निर्वाचनमा कुनै अवरोध नगर्ने बताएका छन् ।

रेग्मीले अराजक गतिविधिमा संलग्न जोकसैलाई पनि नछाडिने बताए । सरकारले एकीकृत सुरक्षा योजना लागू गरेर सुरक्षित रुपमा मतदान गर्ने वातावरण मिलाएको दाबी गर्दै सुरक्षा अवस्थाप्रति ढुक्क हुन पनि अध्यक्ष रेग्मीले आग्रह गरे ।

मुलुकमा विद्यमान सबै समस्याको एकीकृत समाधान संविधानसभा निर्वाचन भएकाले मतदाताले निर्वाचनको सदुपयोग गर्नुपर्ने रेग्मीको भनाई थियो ।

प्रतिकृया दिनुहोस