संविधानसभाको निर्वाचन नभए देशमा बाह्य हस्तक्षेप अझै बढ्ने र देश दुर्घटनामा फस्ने भन्दै संयुक्त राष्ट्रसंघका लागि नेपालका पूर्व राजदूत दिनेश भट्टराईले मुलुकलाई बिदेशीको चलखेलबाट बचाउन र देशमा विधिको शासनका लागि निर्वाचनको विकल्प नभएको बताएका छन् ।

अर्घाखाँचीको सन्धिखर्कमा २१ कात्तिकमा आयोजित पत्रकार साक्षात्कार कार्यक्रममा नेपालको अस्थिर राजनीतिको फाइदा उठाउन विभिन्न् देशीविदेशी शक्ति लागिपरेको भन्दै निर्वाचन सफल बनाउन सबै एकजुट हुनु पर्नेमा भट्टराईले जोडदिए ।

२०६३ सालपछि मुलुकमा बिदेशीको चलखेल बढेको र राष्ट्रियता कमजोर भएको भन्दै समस्याको निकासका लागि र मुलुकको आर्थिक समृद्धिका लागि संविधानसभाको निर्वाचन निर्विघ्न सफल हुनुपर्ने भटराईको भनाई थियो ।

नेपालको भू–राजनीतिक सम्बेदनशिलतालाई बुझेर सबै राजनीतिकदलहरु सहमति र सहकार्यमै अघि बढ्नुको विकल्प नभएको पनि उनले बताए ।
प्रेमनारायण आचार्य, अर्घाखाँची

प्रतिकृया दिनुहोस