एमाओवादीको मेची–महाकाली अभियान अन्तर्गत सुनसरी पुगेका अध्यक्ष पुष्पकमल दाहालले २१ कात्तिकमा लोकहीमा आयोजित सभामा मधेश केन्द्रित दलहरुलाई फेरि पनि भोट दिएर गल्ती नगर्न मतदाताहरुलाई आग्रह गरेका छन् । मधेशी जनताको मुक्तिदाता एमाओवादी मात्र भएको पनि दाहालले दाबी गरे ।

उनले कोशी बाढी पीडितहरुको पुनर्स्थापनाको सम्पूर्ण काम आफ्नो दलले गर्ने, सुनसरी खोलामा ब्यारेज बनाउने र सिँचाईको ब्यवस्था मिलाउने, स्थानीय सडकहरु पक्की बनाउने, कोशी टप्पु आरक्षका जनावरहरुलाई किसानको खेतबारीमा जान नदिने ब्यवस्था गर्ने जस्ता थुप्रै आश्वासन दिए ।

निर्वाचन आचार संहिताले विद्यालय क्षेत्रमा चुनावी सभा गर्नबाट रोक लगाएको भए पनि दाहालले भित्ताभरी सुनसरी ५ बाट एमाओवादी उमेम्दवार नन्दन कुमार दत्तको पोष्टर टाँसीएको सावित्री प्राथमिक विद्यालयमा सभा गरे ।
२०६४ सालको निर्वाचनमा यसक्षेत्रबाट माओवादीका उमेम्दवार रामजन मीयाले ३ सय ७० मत ल्याएका थिए । सभामा मतदाताहरुको न्युनस्थिति भएपछि उमेम्दवार नन्दन दत्तले ११ बजेअघि नै कार्यक्रम भएकोले उपस्थिति कम भएको बताएका थिए ।
सीता मादेम्बा⁄ सुनसरी

प्रतिकृया दिनुहोस