२२ कात्तिकमा जिल्ला प्रशासन कार्यालय प्यूठानमा आयोजित सर्वदलीय भेलामा नेकपा एमाले, शिवसेना नेपाल, अखण्ड नेपाल पार्टीका स्थानीय नेताहरुले आफ्ना नेता–कार्यकर्ताहरु माथि आक्रमण भएको र उजुरी गर्दा समेत प्रहरीले वास्ता नगरेको आरोप लगाएका छन् ।

एमाले जिल्ला अध्यक्ष तुलसी शर्माले प्यूठानको जुम्रीकाँडा र बाङ्गेमरोटमा राष्ट्रिय जनमोर्चाका कार्यकर्ताले आक्रमण गरी गम्भीर घाइते बनाउँदा प्रशासनले कुनै कारवाहि नगरेको बताए । कारवाहीका लागि प्रहरीमा लिखित उजुरी दिंदा पनि सोधपुछसम्म नगरेको भन्दै दोषिमाथि कारवाही नभए आफूहरु चुपलागेर नबस्ने चेतावनी समेत दिएका छन् ।

त्यस्तै शिवसेना नेपालका प्यूठान–२ का उम्मेदवार सुरज पाण्डेले स्थानीय प्रहरी प्रशासन ठूला दलको पछि लागेको आरोप लगाउँदै दोषिलाई कार्वाही नगरी नेता जम्मा पारेर भेला गर्नुको कुनै तुक नभएको बताए ।

आफ्ना कार्यकर्तामाथि आक्रमण भइरहँदा प्रहरीलाई पटकपटक फोनमार्फत जानकारी गराउँदा पनि सुरक्षा नपाएको अखण्ड नेपाल पार्टीका प्यूठान–१ का उम्मेदवार भरतमणि पौडे्लले बताए ।

साना दललाईै कानून लाग्ने तर, ठूलालाई ज्यादती गर्न छुट दिने प्रबृत्ति रोक्न राष्ट्रिय प्रजातन्त्र पार्टीका उम्मेदवार बुद बहादुर जीसीले आग्रह गरे ।

प्यूठानमा नेपाली कांगे्रस, नेकपा एमाले, राष्ट्रिय जनमोर्चा र एमाओवादीबीच प्रतिस्पर्धा हुने देखिएको छ ।
प्रमोद पोख्रेल प्यूठान

प्रतिकृया दिनुहोस