समूहबाट अलग्गिएर एक्लै घुमिरहेका जर्मनीका पर्यटक ४४ वर्र्षीय एलेन्ड्रो किलिनमाथि संखुवासभाको पाँचपोखरीमा स्थानीय युवाहरुद्वारा कुटपिट भएको छ । किलिनको आँखा, टाउको र अनुहारमा चोट लागेको छ ।

आठ जनाको टोलीमा रहेको जर्मनका पर्यटकको समूहमबाट अलग्गिएर घुमफिरमा निष्किएका पर्यटक किलिनसँगै रहेको कुकुरलाई स्थानीय युवाले गाली गरेपछि त्यसो नगर्न आग्रह गरेका पर्यटकलाई ताप्लेजुङ साँघु–४ का ३६ वर्र्षीय पुरुषोत्तम खतिवडा र ३५ वर्षीय एरिस चोङवाङसहितको समूहले कुटपिट गरेको स्थानीयले बताएका छन् ।

किलिनले आफूसँग रहेको कुकुरलाई गाली गर्दै कुटपिटसमेत गरेपछि रोक्न खोज्दा ती युवाहरुले आफूलाई आक्रमण गरेको बताए ।

पाँच महिनाका लागि नेपाल भ्रमणमा आएका किलिन युवाहरुले कुटपिट गरेपछि भागेर देउराली प्रहरी चौकीमा पुगेका थिए । पीडितको उजुरीको आधारमा खतिवडा र चोङवाङसहित, राजेश चोङवाङ, सन्जोग चोङवाङ, विजय चोङवाङ र लोकमणि चोङवाङलाई प्रहरीले गिरफ्तार गरे पनि पछि कागज गराएर छोडेको छ ।

कुटपिटमा संलग्न युवाहरुले पर्यटक केलिनसँग माफी मागेपछि प्रहरीले लिखित कागज गराएर छोडेको प्रहरीले जनाएको छ ।

छेटु शेर्पा सङ्खुवासभा

प्रतिकृया दिनुहोस