संखुवासभाको चैनपुरमा आयोजित चुनावी सभालाई २७ कात्तिकमा सम्बोधन गदैै कांग्रेस सभापति सुशील कोइरालाले एमाओवादीले जातीय द्वन्द्व फैलाउनका लागि जातीय राज्यको कुरा उठाइरहेको भन्दै त्यस्तो भ्रममा नपर्न आग्रह गरेका छन् ।

मुलुकमा सवै जातजातिको हितमा हुने खालको संघीयताको पक्षमा आफ्नो पार्टी रहेको भन्दै कोइरालाले कांग्रेसको बहुमत आएमा मात्रै लोकतान्त्रिक संविधान बन्ने दाबी गरे ।

निर्वाचनको विरोध गर्ने नेकपा–माओवादी लगायतका दलहरु आफै समाप्त भएर जाने कोइरालाको चेतावनी छ ।

माओवादीले हिंसा र गरीबी बढायोः गगन

सभालाई सम्बोधन गर्दै काँग्रेसका युवा नेता गगन थापाले संविधानसभाको निर्वाचनमा काँग्रेसले वहुमत ल्याउने दावी गरे । मुलुकले विगतका चार वर्र्षमा चारवटा कम्युनिष्ट प्रधानमन्त्री पाए पनि जनताले विकासको गन्ध समेत नपाएको भन्दै माओवादीका कारण मुलुकमा हिंसा, अराजकता र गरीवी वढेको थापाको आरोप थियो ।

छेटु शेर्पा,सङखुवासभा

प्रतिकृया दिनुहोस