सदरमुकामसँग जोडिएको रानीटारमा २८ कात्तिकमा भएको चुनावी सभा सकेर फर्कदै गरेका एमाओवादी उम्मेदवारसहितको टोलीलाई डिएम चोक भन्ने ठाउँमा नेकपा–माओवादीका कार्यकर्ताले ढुङ्गामुढा गरी अवरोध गरेपछि प्रहरीले हवाई फायर गरेको छ । स्थितिलाई नियन्त्रणमा लिने क्रममा प्रहरीले केही राउन्ड अश्रु ग्यास पनि प्रहार गरेको छ ।

सदरमुकामबाट थप सुरक्षाकर्मी घटनास्थलतर्फ परिचालन गरिएको पाँचथर प्रहरीले जनाएको छ । कार्यक्रममा नेपाल प्रहरी र सशस्त्र प्रहरीको टोलीले सुरक्षा प्रदान गरेको थियो ।

एमाओवादी र राप्रपा कार्यकर्ताबीच झडप

एमाओवादी र राप्रपाका कार्यकर्ताबीच २८ कात्तिकमा चितवनको माडीमा झडप भएको छ ।

चुनाव प्रचारका क्रममा गएका राप्रपा र एमाओवादीका कार्यकर्ताबीच माडीको अयोध्यापुरी–८ कृष्णनगरमा झडप भएको हो ।

झडपमा परी दुवै पक्षका ६ जना घाइते भएका छन् । घाइतेहरुको स्थानीय स्वास्थ्य संस्थामा उपचार भइरहेको छ ।

यसअघि पनि उक्त गाविसमा एमाओवादी र नेकपा एमालेका कार्यकर्ताबीच झडप भएको थियो ।

रासस

प्रतिकृया दिनुहोस