नेकपा-माओवादीका कार्यकर्ताहरुले बम प्रहार गरेपछि आगो लागेर दुर्घटनामा परेको बस ।

गत २८ कात्तिकमा कलैयाबाट यात्रु लिएर काठमाडौँ जाँदै गरेको ना ४ ख ९८३६ नम्बरको बसमा मकवानपुरको बसामाडी–३, तीनताप्केमा बन्दकर्ताहरुले पेट्रोल बम प्रहार गरेपछि आगो लाग्दा १३ जना घाइते भएका थिए भने आगो लागेको बस अनियन्त्रित भइ सडक छेउँमा पल्टेको थियो ।

उक्त आक्रमणमा गम्भीर घाइते सहचालक बारा कलैयाका रमेश यादवको काठमाडौँको महाराजगन्जस्थित त्रिवि शिक्षण अस्पतालमा उपचारको क्रममा ११ मंसीरमा मृत्यु भएको अस्पतालले जनाएको छ ।

सहचालक यादवको मृत्युको विरोधमा बारा बस व्यवसायी संघले कलैया–वीरगन्ज सडकखण्डमा यातायात सेवा अवरुद्ध बनाएको छ ।

यसअघि २८ कात्तिकमै निजगढ पथलैया सडकखण्डमा गुडिरहेको ट्रकमा पेट्रोल बम प्रहारमा घाइते भएका ट्रक चालक राजकुमार देउजा क्षेत्रीको २ मंसीर बिहान शिक्षण अस्पताल महाराजगञ्जमा निधन भएको थियो ।

आतंककारी कृत्य गर्नेलाई कठघरामा ल्याऊ

‘खाना खान आउँछु भन्थ्यो, कहिल्यै नआउने गरी गयो’

प्रतिकृया दिनुहोस