संविधानसभा निर्वाचनमा समानुपातिकतर्फ नेपाली कांग्रेस नेकपा एमालेभन्दा १ लाख ७७ हजार ७७५ बढी प्राप्त गरी सबैभन्दा ठूलो दल बनेको छ । त्यसैगरी प्रत्यक्षतर्फ ९१ स्थानमा निर्वाचित नेकपा एमाले समानुपातिकतर्फ २२ लाख ४३ हजार ४७७ मत प्राप्त गरी संविधानसभामा दोस्रो ठूलो दल बनेको छ ।

२०६४ सालको संविधानसभा निर्वाचनमा समानुपातिकतर्फ ३१ लाख ४४ हजार २०४ मत ल्याएर पहिलो स्थानमा रहेको नेकपा माओवादी २०७० सालमा एमाओवादी बनेपछि १४ लाख ३८ हजार ६६६ मत प्राप्त गरी तेस्रो स्थानमा खुम्चिएको छ । हिंसा नत्यागेको, जातीय र क्षेत्रीय नारा उरालेर उत्तेजना फैलाएको आरोप लागेको एमाओवादीलाई जनमतले अस्वीकार गरी तेस्रो शक्ति बनाएको छ ।

मधेशकेन्द्रित दलहरुले प्रत्यक्षतर्फ जस्तै समानुपातिकमा पनि जनताको विश्वास जित्न सकेनन् । क्षेत्रीय र जातीय नाराहरु लगाएको तर, विकासमा भने पटक्कै ध्यान नदिएको र भ्रष्टाचारको आरोप लागेका मधेश केन्द्रित दलहरुले मधेशका मुद्दालाई ब्यवहारमा रुपान्तरण गर्न सक्छन भन्नेमा मधेशी मतदाताहरु नै आश्वस्त हुन सकेनन् । धेरै मधेश केन्द्रित नेताहरुको मधेशमा नै जमानत जफत भएको छ ।

त्यसैगरी विगतको संविधानसभा निर्वाचनमा समानुपातिकतर्फ १ लाख १० हजार ५१९ मात्र मत पाएको राप्रपा नेपालले ६ लाख २४ हजार २८१ मत प्राप्त गरी संविधानसभामा चौथो ठूलो शक्ति बनेको छ ।

निर्वाचन आयोगको वेबसाइटका अनुसार समानुपातिकतर्फ कुल सदर मत ९४ लाख ५७ हजार ८४४ छ । विगतको निर्वाचनमा समानुपातिकतर्फको कुल सदर मत १ करोड ७३ लाख ९ हजार ७८ थियो ।

समानुपातिक तर्फको १२२ दलको मत परिणाम:

प्रतिकृया दिनुहोस