पर्साको जिल्ला प्रहरी कार्यालयअन्तर्गतको श्रीपुर वडा प्रहरी कार्यालयले अवैध लागुपदार्थ बरामद गरेको छ । कार्यालयबाट खटिएको टोलीले विशेष सूचनाको आधारमा १६ मंसीर दिउँसो लागुपदार्थ बरामद गरेको हो ।

वीरगञ्ज–१६ स्थित पावरहाउस चोकबाट लागुऔषध ६७५ पिस ईन्जेक्सन. २२५ पीस नर्फिन, २२५ पिस डाईजेपाम, २२५ पिस फेनारगन र नाईट्रोभेट टयाबलेट ११५ पिस वरामद गरेको प्रहरीले जनाएको छ ।

यस्तै, वीरगञ्ज बसपार्कबाट १६ मंसीर दिउँसो खुट्टाको तिघ्रामा टेपले बेरेर लकाएर ल्याएको २२५ पिस ईन्जेक्सन. ७५ पीस नर्फिन, ७५पिस डाईजेपाम र ७५ पिस फेनारगन पनि प्रहरीले बरामद गरेको छ ।

लागुऔषधसहित प्रहरीले तीन जनालाई पक्राउ गरेको छ । नुवाकोट पाटीभन्ज्याङ्ग–९ घर भई काठमाडौं सिनामंगल बस्ने सनिश लामा र अछाम जनालीकोट–६ घर भई  काठमाडौं ७ चावहिल बस्ने तपेन्द्र बहादुर कर्मीलाई वीरगञ्जको पावरहाउस चोकबाट र  काभ्रेपलान्चोक उग्रतारा–८ का ‘सविन’ भनिने नितिन हुमागाईलाई बसपार्कबाट पक्राउ गरेको जिल्ला प्रहरी कार्यालय पर्साले जनाएको छ ।

उनीहरु विरुद्ध लागुऔषध ओसारपसार मुद्दामा कारवाही अघि बढाएको प्रहरीको भनाई छ ।

बिम्मी शर्मा, पर्सा

प्रतिकृया दिनुहोस