एमाओवादीले गठन गरेको ‘उच्चस्तरीय तथ्य संकलन कार्यदल’ले १९ मंसीरमा प्रतिवेदन सार्वजनिक गर्दै निर्वाचन आयोगले निर्वाचन निर्देशिकाको उल्लंघन गरेर नीतिगत रुपमै धा“धली गरेको आरोप लगएको छ ।

पत्रकार सम्मेलनमा कार्यदलका संयोजक वर्षमान पुनले २४० वटै निर्वाचन क्षेत्रमा धाँधली भएको प्रमाण फेला पारेको दाबी गर्दै सरकारले तत्काल उच्चस्तरीय छानबिन आयोग गठन गर्नुपर्ने बताए ।

उनले आयोगले निर्देशिका विपरीत १० बुँदे सर्कुलर जारी गरेर मतपत्र संकलन, ढुवानी र भण्डारण प्रक्रियामा अनियमितता गरेको दाबी गरे । देशभरबाट मतदाता, निर्वाचन अधिकृत र निर्वाचन पर्यवेक्षकलगायतसँग तथ्य संकलन गरेर अनियमितताको प्रमाण फेला पारेको उनको भनाई छ ।

मत गणनाको प्रारम्भिक परिणाममा आफ्नो पक्षमा अपेक्षाअनुसार मत नआएपछि एमाओवादीले देशभरबाट आफ्ना प्रतिनिधि र उम्मेदवारलाई मत गणना बहिस्कार गर्न निर्देशन दिएको थियो ।

१० मंसीरमा बसेको एमाओवादी केन्द्रीय कमिटीको बैठकले निर्वाचनमा धाँधली गरेर आफूहरुलाई हराइएको आरोप लगाउँदै छानबिनका लागि उच्चस्तरिय तथ्य संकलन कार्यदल गठन गरेको थियो ।

प्रतिकृया दिनुहोस