ललितपुरको धोबीघाटमा पाँच दिन चलेको संघीय परिषद(केन्द्रीय समिति) बैठकले राष्ट्रपतिको चुनाव गर्नुपर्ने निश्कर्ष निकालेको जनमुक्ति पार्टीका प्रचार तथा प्रकाशन विभाग प्रमुख टोप अस्लामीले जानकारी दिए ।

बैठकले एमाओवादी नेतृत्वको संघीय गणतान्त्रिक मोर्चाबाट अलग हुने निर्णय समेत गरेको अस्लामीले बताए । २०६४ को संविधानसभाबाट प्राप्त उपलब्धी रक्षा गर्दै थप उपलब्धीका लागि देशव्यापी खबरदारी सभा गरिने पनि उनले जानकारी दिए ।

संविधानसभामा दुई सिट जितेको जनमुक्तिले पार्टी वरिष्ठ उपाध्यक्ष शिवलाल थापा र संघीय परिषद सदस्य होमाया गुरुङलाई सभासदमा सिफारिस गर्ने गरेको छ । आगामी पुसदेखि जेठसम्म पार्टी शुद्धीकरण तथा सुदृढीकरण अभियान सञ्चालन गर्न लागेको अस्लामीले बताए ।

प्रतिकृया दिनुहोस