पुनर्बासका लागि अमेरिका जान लागेका भुटानी शरणार्थी

अमेरिका र युरोप जाने भुटानी शरणार्थीको संख्या झण्डै ८५ हजार पुगेको छ । विगत पाँच वर्षमा पुनर्बासका लागि ८४ हजार ८३८ भुटानी शरणार्थी त्यहाँ पुगेका हुन् ।

पुनर्बास भएकामध्ये ९० प्रतिशत शरणार्थी अमेरिका पुगेका छन् । ७१ हजार ५८१ ज्ना अमेरिका गएको दमकस्थित संयुक्त राष्ट्रसंघीय शरणार्थी सम्बन्धी उच्च आयोगले जनाएको छ ।

आयोगका अनुसार क्यानाडामा ५ हजार ६७३ जना, अष्ट्रेलियामा ४ हजार ७३४, डेनमार्कमा ७५९, नेदरल्याण्डमा ३२६, न्युजिल्याण्डमा ८५७, नर्बेमा ५५० र बेलायतमा ३५८ जना शरणार्थी छन् ।

पुनर्बास भएपछि अब शिबिरहरुमा ३३ हजार १०७ जना मात्र शरणार्थी रहेको उच्च आयोगले जनाएको छ । भुटानीहरु सन् २००८ को मार्चदेखि मानवीय सहायताको रुपमा उपलब्ध स्वेच्छिक पुनर्बास कार्यक्रम अन्तर्गत पश्चिमी देश पुनर्बास भइरहेका छन् ।

गोपाल गडतौला, दमक

प्रतिकृया दिनुहोस