जिल्ला प्रहरी कार्यालय चितवनले दुई बर्षदेखि फरार एक जनालाई पक्राउ गरेको छ । हत्यामा संलग्न रहेको अभियोग लागेका चितवन, मंगलपुर–२ का बिश्वप्रकाश बास्तोलालाई प्रहरीले ३ पुसमा पक्राउ गरेको हो ।

उनलाई प्रहरीले ४ पुसमा सार्वजनिक गरेको छ । बास्तोलामाथि पश्चिम चितवनको मंगलपुर घर भएका बिराज बिकको हत्या गरेको आरोप छ । बिकको धारिलो हतियार प्रयोग गरी १ असोज २०६८ मा हत्या भएको थियो ।

सो घट्नामा प्रहरीले तत्काल ११ जनालाई पक्राउ गरेकोमा एक जनालाई अदालतले साधारण तारेखमा छाडेको थियो भने अरु १० जना पुर्पक्षका लागि थुनामा छन् ।

बास्तोलाले ८ असोज २०६९ मा भरतपुर–१३ कल्याणपुरका अमृतकुमार श्रेष्ठलाई धारिलो हतियार प्रहार गरी गम्भिर घाइते बनाएको र सो घटनामा संलग्न भएको अभियोगमा ज्यान मार्ने उद्योगअन्तर्गत पनि मुद्धा चल्ने प्रहरी नायव उपरीक्षक संजय राउतले जानकारी दिए ।

सविता श्रेष्ठ, चितवन

प्रतिकृया दिनुहोस