निर्वाचन कार्यालय चितवनका अनुसार कार्यकर्ता परिचालन, इन्धन, सवारी साधन, कार्यालय सञ्चालन, विद्युतीय एवम् छापा माध्यममा प्रचार, प्रचार सामग्री खरिदलगायतमा कांग्रेस सभापति सुशील कोइरालाले रु ९ लाख ४६ हजार ४१० खर्च भएकोे विवरण बुझाएका छन् ।

कोइरालाको चुनावी खर्च जुटाउन नारायणगढस्थित राइजिङ डेभलपमेन्ट बैंकमा खाता खोलेर सहयोग अपिल गरिएको थियो । नेपाली कांग्रेस चितवनका सचिव जितनारायण श्रेष्ठले स्थानीय उद्योगी व्यवसायी, पेसाकर्मी र दाताहरूस“ग आर्थिक सङ्कलन गरी खर्च जुटाइएको बताए ।

निर्वाचन आयोगले खर्चको दायरा प्रत्यक्ष उम्मेदवारका लागि रु १० लाखसम्म मात्र तोकेपछि सभापति कोइरालाको खर्च विवरण पनि सोहीभित्र पर्ने गरी तयार गरिएको हो ।

यस्तै नेकपा एमालेकी पार्वती रावलले पनि निर्वाचन खर्च विवरण बुझाएकी छन् । रावलले रु सात लाख २८ हजार ३१ खर्च विवरण पेस गरेकी छन् ।

चितवनमा नौ जना उम्मेदवारले आफ्नो चुनावी खर्च जिल्ला निर्वाचन कार्यालयमा बुझाइसकेका छन् ।

निर्वाचनको मत परिणाम घोषणा भएको मितिले ३५ दिनभित्र खर्च विवरण बुझाउनुपर्ने कानुनी प्रावधान छ ।

प्रत्यक्षले सम्बन्धित जिल्ला निर्वाचन कार्यालय र समानुपातिकले निर्वाचन आयोगमा खर्च विवरण पेस गर्नुपर्ने व्यवस्था ।
रासस

प्रतिकृया दिनुहोस