फोक्सोमा समस्या देखिएपछि काठमाडौंस्थित नर्भिक अस्पतालमा भर्ना भएका कृषि इञ्जिनियर एवम् संरक्षणविद हुताराम वैद्यको ९४ वर्षको उमेरमा निधन भएको अस्पतालका जनसम्पर्क अधिकृत आरपी मैनालीले जानकारी दिएका छन् ।

वि.सं. २००७ मा भारतको इलाहाबाद विश्वविद्यालयबाट कृषि इन्जिनियरिङ गरेका हुतराम वैद्य मुलुककै पहिलो कृषि इञ्जिनियर हुन् । १४ वर्षसम्म कृषि विभागमा काम गरेका उनले नेपालमा बहुवर्षीय गहुँबाली भित्र्याएका थिए ।

बागमती सफाइ अभियानका अभियन्ता वैद्यले बागमती सभ्यता बचाउन जीवनभर क्रियाशिल थिए । उनका वातावरण र बागमती सम्बन्धी १० वटा पुस्तक प्रकाशित छन् ।

प्रतिकृया दिनुहोस