कैलालीको गेटा–४ का २३ वर्षीय रविन्द्र ठगुन्नाले स्थानीय विद्यालयमा अध्ययनरत १९ वर्षीया युवतीलाई आफूसँग विहे गर्न नमानेको भन्दै अनुहारमा तेजाब छ्याप्दा युवती घाइते भएकी छन् ।

पीडित युवती पक्षले ढिलो गरी गएको ७ पुसमामात्रै जाहेरी दिएकाले गत २४ मंसीरमा भएको घटना ढिलो गरी जानकारीमा आएको जिल्ला प्रहरी कार्यालयका प्रहरी नायब उपरीक्षक रमेश पण्डितले बताए ।

बिहान विद्यालय जाँदै गरेको मौका छोपी ठगुन्नाले तेजाब छ्यापेपछि युवतीको अनुहार र घाँटीमा गम्भीर चोट पुगेको छ । घटनालगत्तै फरार रहेका अभियुक्त ठगुन्नालाई प्रहरीले काठमाडौँबाट पक्राउ गरी जिल्ला प्रहरी कार्यालय कैलाली ल्याएको छ ।

विवाहका लागि मगनी गर्न गएकोमा युवती पक्षबाट अस्वीकार गरिएपछि विक्षिप्त भएका अभियुक्तले युवतीमाथि तेजाब फ्याँकेका हुन् ।

उनीमाथि ज्यान मार्ने उद्योगअन्तर्गत मुद्दा दर्ता गरी कारबाहीको प्रक्रिया अघि बढाइएको पनि पण्डितले जानकारी दिए । घाइते युवतीको हाल काठमाडौँमा उपाचार भइरहेको छ ।
रासस

प्रतिकृया दिनुहोस