अध्यादेशमार्फत आएको राज्यका भूतपूर्व विशिष्ट पदाधिकारीहरुलाई सुविधा दिने सरकारी निर्णयको विरोध भइरहेका बेला पूर्वप्रधानमन्त्री नेपालले ११ साउनमा सरकारी सुविधाको गाडी फिर्ता गरेका हुन् । जनस्तरबाट व्यक्त भावनाको सम्मान गर्दै आफूले गाडी फिर्ता गरेको नेपालद्वारा जारी विज्ञप्तिमा उल्लेख छ । गाडी बाहेक अन्य सुविधा नलिएको पनि उनले जनाएका छन् ।

पूर्वप्रधानमन्त्री नेपालले कामचलाउ सरकारले राष्ट्रिय सहमतिका लागि मार्गप्रशस्त गर्नुपर्ने बेलामा भूतपूर्व भिआईपीलाई सुविधा दिने भन्दै ध्यान अन्यत्र मोडेर सहमतिको प्रयास विथोल्न खोजेको पनि उल्लेख गरेका छन् ।

यसैबीच, पूर्वप्रधानमन्त्री, पूर्वप्रधानन्यायाधीश लगायतलाई आजीवन प्राडो गाडी, इन्धन खर्च, आवास लगायतका सुविधा दिन गरेको निर्णयको विरोधमा ११ साउनदेखि राजधानीमा रिले अनशन शुरु भएको छ । नेपाल नागरिक समाजले रत्नपार्कस्थित शान्तिवाटीमा सुरु गरेको अनशनप्रति विभिन्न पेशा, व्यावसाय सम्बद्ध संघ-संस्थाहरुले ऐक्यबद्धता जनाएका छन् ।

प्रतिकृया दिनुहोस