दाङको भालुवाङबाट प्यूठानतर्फ जाँदै गरेको बा ९ च ८४७२ नम्बरको कार भालुवाङ–प्यूठान सडक खण्डमा दुर्घटना हुँदा दुई जनाको मृत्यु भएको छ । अरु चार जना घाइते छन् । प्यूठान, तिराम–३ अरङखोलामा  १५ पुसमा दुर्घटना भएको हो ।

दुर्घटनामा मृत्यु हुनेमा मरन्ठाना–६ का अजित केसी र दाखाक्वाडी–४ की धनादेवी धामी रहेका छन् । दुर्घटनापछि उपचारका लागि अस्पताल लैजाँदै गर्दा उनीहरुको दाङको भालुवाङमा मृत्यु भएको इलाका प्रहरी कार्यालय भालुवाङले जनाएको छ ।

दुर्घटनामा कार चालक दाङ, लालमटिया–३ का मुन्ना जिसी, मृतक केसीका श्रीमति अन्जु केसी, उनकी डेढ महीनाकी छोरी र दाखाक्वाडी–१ की सरस्वती विष्ट घाइते भएका छन् । विष्टको जिल्ला अस्पताल विजुवारमा उपचार भइरहेको छभने अरुको कोहलपुरस्थित शिक्षण अस्पतालमा उपचार चलिरहेका प्रहरीले जनाएको छ ।
देविका घर्ती मगर, दाङ

प्रतिकृया दिनुहोस