भारतमा लोकसभा निर्वाचन हुनुभन्दा केही महिना पहिले १९ पुसमा आयोजित पत्रकार सम्मेलनमा भारतीय प्रधानमन्त्री मनमोहन सिंहले कांग्रेसले आगामी निर्वाचनमा बहुमत प्राप्त गरे पनि आफू प्रधानमन्त्री पदको आकांक्षी नभएको बताएका छन् । त्यो घोषणासँगै उनले विपक्षी दल भारतीय जनता पार्टीका नेता नरेन्द्र मोदीले बोलेको कुरा नगर्ने आरोप लगाउँदै उनी प्रधानमन्त्री भए देशका लागि विनाशकारी हुने बताएका छन् ।

आगामी प्रधानमन्त्रीका प्रमुख दावेदार मोदीमाथि प्रहार गर्दै उनले अहमदाबादका सड़कमा निर्दोष नागरिकहरुको नरसंहारसँग प्रधानमन्त्रीको क्षमता मापन गरिनु गलत हुने बताएका छन् ।

भाजपा नेता एवम् गुजरातका मुख्यमन्त्री नरेन्द्र मोदीमाथि साम्प्रदायिक दंगामा अल्पसंख्यकहरुको सुरक्षा नगरेको आरोप लाग्दै आएको छ ।

आगामी लोकसभा निर्वाचनमा आफूलाई प्रधानमन्त्री पदको दौडबाट अलग राख्दै उनले कांग्रेस उपाध्यक्ष राहुल गान्धीको पक्षमा पैरवी गरेका छन् ।

उनले राहुल गांधीमा प्रधानमंत्री बन्ने अपार क्षमता भएको भन्दै पार्टीले यसबारेमा सही समयमा सही निर्णय गर्ने बताएका छन् ।

सिंहले आफूले प्रधानमन्त्री पद छोड्नु पहिले पाकिस्तान जान चाहेको बताए । उनी पाकिस्तानको पश्चिम पञ्जावमा जन्मेका हुन् ।

प्रतिकृया दिनुहोस