शिकार खेल्न २० पुस राती जंगलमा गएका धनकुटाका एक युवकले हानेको भरुवा बन्दुकको गोली लागेर आफ्नै साथीको मृत्यु भएको छ । बसन्तटार–४ का सुरेन्द्र लिम्बूले हानेको गोली लागेर सोही ठाउँका अइतराज (राजन) लिम्बूको मृत्यु भएको जिल्ला प्रहरी कार्यालय धनकुटाका प्रहरी नायब उपरीक्षक रामेश्वर कार्कीले जानकारी दिए ।

सुरेन्द्र, राजन र अर्का एक जना बसन्तटार–१ को रमिते जंगलमा दुम्सीको शिकार गर्न गएका थिए । दुईतिरबाट शिकार छेक्ने क्रममा दुम्सी ठानेर बन्दुक पड्काउँदा आफ्नै साथीलाई लागेको सुरेन्द्रले प्रहरीसँग बताएको कार्कीले जानकारी दिए ।

सुरेन्द्रले २१ पुसमा प्रहरीसमक्ष आत्मसमर्पण गरेको र उनलाई जिल्ला प्रहरी कार्यालय धनकुटामा ल्याइएको छ ।

सन्तोष रुचाल, धनकुटा

प्रतिकृया दिनुहोस