कार्कीले २५ पुसमा राजविराजमा सञ्चारकर्मीसँग कुरा गर्दै समानुपातिक सभासद् छनोटमा आर्थिक लेनदेनको सूचना पाउनासाथ आयोगले अनुसन्धान अघि बढाउने बताएका हुन ।  जनतासँग प्रत्यक्ष सरोकार रहेका विकास आयोजना र सार्वजनिक चासोका विषयमा आयोगबाट खटिएको टोलीले विगत १५ दिनदेखि सप्तरीसहितका जिल्लामा अनुगमन र अनुसन्धान जारी राखेको बताउँदै उनले केही बिचोलिया र पहुँचवालाले जनताका नाममा आएका रकम दुरुपयोग गरेको पाएको बताए ।

सरकारले विनियोजन गरेको रकम सदुपयोग भएको नभएको र सरकारी निकायबाट प्राप्त हुने सेवा सुविधा जनताले कसरी प्राप्त गरिरहेको भन्ने बारेमा अध्ययन गर्न आफ्नो नेतृत्वको टोली भ्रमण आएको कार्कीको भनाई छ ।

सुशासन कायम गर्ने, मुलुकलाई अनिर्णयबाट निकास दिने र भ्रष्टाचारलाई शुन्य सहनशीलतामा झार्दै सुशासन र कानुनी राज्य कायम गर्ने  लक्ष्य आयोगको रहेकाले त्यसलाई मुर्तरुप दिन आयोगले विभिन्न क्षेत्र र जिल्लामा क्षेत्रीय तथा सम्पर्क कार्यालयहरू स्थापना गर्न लागेको उनले जानकारी दिए ।रासस

प्रतिकृया दिनुहोस