नेपाल मानवअधिकार सङ्गठनले ३० पुसमा आयोजना गरेको ‘अधिकारी दम्पतीः न्यायको खोजी’ विषयक सरोकारवाला बीचको छलफल कार्यक्रममा हालसम्म पनि घटनालाई सरकारले बेवास्था गरेको भन्दै यस घटनालाई अन्तर्राष्ट्रियकरण गरिनुपर्ने सरोकारवालाले बताएका छन् ।

कार्यक्रममा मानअधिकारकर्मी दिनेश त्रिपाठीले घटनाको अनुसन्धान कार्यमा ढिलाइ भएको भन्दै छिट्टै नै पीडितलाई न्यायको दायरामा ल्याउनुपर्नेमा जोड दिए । इन्सेकका अध्यक्ष सुबोध प्याकुरेलले दम्पती जोडीले न्याय पाए अरू पीडितले सहज तरिकाले न्याय पाउने बताए ।

मृतकका दाजु नुरप्रसाद अधिकारीले न्यायका लागि पटकपटक आमाबुबा अनशन बस्नु परेको बताए ।

नन्दप्रसाद अधिकारी र निजकी श्रीमती गङ्गामाया अधिकारीको कान्छा छोरा कृष्णप्रसाद अधिकारीलाई २४ जेठ २०६१ माओवादीले हत्या गरिएको थियो । दोषीलाई कारबाहीको दायरामा ल्याउँछौँ भन्ने सरकारी आश्वासन कार्यान्वयन हुन नसकेकाले अधिकारी दम्पती दोस्रोपटक अनशन बसिरहेका छन् ।रासस

प्रतिकृया दिनुहोस